Deallusrwydd Artiffisial
Deallusrwydd Artiffisial a Data | Dyfodol Symudedd Ydyn ni'n barod am geir di-yrrwr? Briff y prosiect Yn y prosiect hwn byddwch yn ymchwilio i fanteision a heriau ceir heb yrrwr ac yn asesu barn y cyhoedd am y dechnoleg newydd hon. Dechreuwch trwy ddarganfod sut mae dysgu peiriant yn cael ei ddefnyddio mewn ceir heb yrrwr a rhai o'r heriau sy'n wynebu datblygwyr y dechnoleg. Mae'n bwysig cynllunio'ch ymchwil. Sicrhewch fod rhestr o'r holl ffynonellau gwybodaeth ar gael ichi am geir heb yrrwr. Gallai hyn gynnwys erthyglau newyddion, cyfnodolion proffesiynol, arolygon barn y cyhoedd, dogfennau polisi, astudiaethau achos a chyfweliadau â gweithwyr proffesiynol. Penderfynwch pa ffynonellau y byddwch chi'n dewis edrych arnyn nhw yn eich ymchwiliad a pham ac ystyriwch sut y byddwch chi'n cofnodi'ch canfyddiadau mewn ffordd resymegol. Os penderfynwch ddefnyddio astudiaethau achos yn eich ymchwil, bydd angen i chi benderfynu sut y byddwch yn eu dewis. Os ydych chi'n edrych ar erthyglau efallai y byddwch chi'n penderfynu a ydyn nhw'n gadarnhaol neu'n negyddol yn gyntaf cyn dadansoddi'r dystiolaeth. Os oes gennych fynediad i bolau piniwn cyhoeddus, ceisiwch edrych ar y data crai. Gallech ymchwilio i farn pobl o gymharu â'u cefndir neu ddemograffig. Gallech gynnal eich arolwg eich hun i ddarganfod beth yw barn pobl o wahanol oedrannau a chefndiroedd. Gallech gynllunio a chynnal eich cyfweliad eich hun gyda gweithiwr proffesiynol arbenigol. Gallai hyn fod yn rhywun sy'n gweithio yn y sectorau yswiriant ceir neu weithgynhyrchu ceir, neu a allai fod yn ymchwilydd prifysgol sydd yn gweithio ar Ddeallusrwydd Artiffisial. Gofynnwch i’ch athro am gymorth i ymgysylltu gyda arbennigwyr. Pethau i feddwl amdanynt • Pa dasgau fyddai peiriant yn eu gwneud yn well na gyrrwr dynol? • Pe bai damwain, pwy fyddai'n gyfrifol? • Beth allai fod y goblygiadau ehangach pe bai pob cerbyd neu'r mwyafrif yn dod yn ddi-yrrwr? • A all ceir heb yrrwr gydfodoli â defnyddwyr eraill y ffordd yn ddiogel? • Pwy allai fod ar eu colled pe bai'r mwyafrif o gerbydau'n dod yn ddi-yrrwr? • Sut gallai barn y cyhoedd effeithio ar ddyfodol ceir heb yrrwr? Adnoddau defnyddiol Gofynnwch i'ch athro / athrawes eich helpu i ddod o hyd i fentor arbenigol: stem.org.uk/stem-ambassadors Erthyglau: • wired.co.uk • newscientist.com • askforevidence.org/help/evidence Canlyniadau arolwg barn cyhoeddus y DU • yougov.co.uk • ipsos.com/ipsos-mori/en-uk Iechyd a diogelwch Er mwyn osgoi unrhyw ddamweiniau, gwnewch yn siŵr eich bod yn cadw at y canllawiau iechyd a diogelwch canlynol cyn cychwyn: • darganfyddwch â yw unrhyw un o'r deunyddiau, offer neu ddulliau yn beryglus gan ddefnyddio science.cleapss.org.uk/Resources/ Student-Safety-Sheets/ • asesiadau risg (meddyliwch am yr hyn â allai fynd o'i le a pha mor ddifrifol y gallai fod); • penderfynwch beth sydd angen i chi ei wneud i leihau unrhyw risgiau (megis gwisgo offer amddiffynnol personol, gwybod sut i ddelio ag argyfyngau ac ati); • gwnewch yn siwr for digon o le i weithio • cliriwch beryglon slip neu faglu yn brydlon; • gwnewch yn siŵr bod eich athro / athrawes yn cytuno â'ch cynllun a'ch asesiad risg 12
Cymdeithas sy’n Heneiddio Deiet Gytbwys Briff y prosiect Mae'r prosiect hwn wedi'i rannu'n ddwy ran. Mae'r cyntaf yn seiliedig ar ymchwil i raddau helaeth. Mae'r ail yn cynnwys cemeg ddadansoddol a bioleg, gan y byddwch chi'n cynnal profion bwyd. Eich nod yw coladu data a gwybodaeth ac awgrymu dau fwydlen am ddau ddiwrnod i rywun ag anhwylder maethol. I ddechrau, dylech wneud rhywfaint o ymchwil i anhwylder maethol o'ch dewis. Mae rhai enghreifftiau i ddewis ohonynt yn cynnwys: • Diabetes Math 1 neu Math 2; • Clefyd coeliag; • Clefyd Crohn; • Gwasgedd gwaed uchel; • Anemia. Gallech gyfweld â dietegydd o ysbyty lleol neu weithiwr proffesiynol perthnasol i ddarganfod mwy am sut y gellir rheoli'r anhwylder maethol. Dylech gynhyrchu poster neu daflen hyrwyddo yn dweud wrth bobl am y cyflwr. Dylech gynnwys gwybodaeth am ddiagnosis, symptomau, argymhellion ar gyfer triniaeth (gan gynnwys addasiadau i ddeiet) a pha bobl sydd fwyaf tebygol o gael eu heffeithio. Eich ail dasg yw cynhyrchu dau fwydlen am ddau ddiwrnod. Dylai pob diwrnod gynnwys tri phryd (brecwast, cinio, swper), yn ogystal â diodydd (ac unrhyw fyrbrydau rydych chi'n teimlo sy'n briodol). Dylai'r fwydlen gyntaf fod ar gyfer diwrnod gwaith cyffredin (naill ai yn y gwaith neu yn yr ysgol / coleg). Dylai'r ail fod ar gyfer y penwythnos. Dylai pob bwydlen gael ei dylunio i fodloni cyfanswm y lwfans dyddiol a argymhellir ar gyfer prif fathau o fwyd. Cynhwyswch gyngor cyffredinol ar gynhwysion a dulliau coginio. Dylech hefyd gynnal eich profion bwyd eich hun i wirio gwybodaeth o'r fath. Chi sydd i benderfynu pa fathau o brawf bwyd rydych chi am eu cynnal. Bydd angen i chi ddylunio'r dulliau eich hun hefyd. Dyma dri awgrym i'ch rhoi ar ben ffordd: • Cynnwys egni. • Annirlawnder brasterau. • Canfod y meintiau o fwynau a fitaminau Pethau i feddwl amdanynt • Pa anhwylderau maethol sy'n gysylltiedig ag oedran? • Sut mae amlder yr anhwylderau maethol hyn wedi newid yn ystod y blynyddoedd diwethaf? • Mewn cymdeithas sy'n heneiddio, beth fydd yr heriau mwyaf sy'n wynebu dietegwyr? • Sut gallai labelu bwyd helpu i wella bywydau pobl ag anhwylderau maethol? • Pa atebion eraill sy'n cael eu datblygu i helpu i reoli anhwylderau maethol? 13 Adnoddau defnyddiol • Cyswlltwch gyda dietegydd neu weithiwr proffesiynol cymwys perthnasol arall. Iechyd a diogelwch Er mwyn osgoi unrhyw ddamweiniau, gwnewch yn siŵr eich bod yn cadw at y canllawiau iechyd a diogelwch canlynol cyn cychwyn: • darganfyddwch a yw unrhyw un o'r deunyddiau, offer neu ddulliau yn beryglus gan ddefnyddio science.cleapss.org.uk/Resour ces/Student-Safety-Sheets/ • asesiadau risg (meddyliwch am yr hyn a allai fynd o'i le a pha mor ddifrifol y gallai fod); • peidiwch â bwyta unrhyw fwyd a ddefnyddir mewn arbrofion mewn labordy gwyddonaieth neu ystafell ddosbarth; • penderfynwch fwyta bwyd rydych wedi'i wneud, bydd angen i chi sicrhau bod argymhellion hylendid bwyd yn cael eu dilyn a bod y rhain yn cael eu cynnwys yn eich asesiad risg; • penderfynwch beth sydd angen i chi ei wneud i leihau unrhyw risgiau (megis gwisgo offer amddiffynnol personol, gwybod sut i ddelio ag argyfyngau ac ati); • gwnewch yn siŵr bod digon o le i weithio; • clirio peryglon slip neu faglu yn brydlon; • gwnewch yn siŵr bod eich athro / athrawes yn cytuno â'ch cynllun a'ch asesiad risg.
