Twf Glân | Dyfodol
Twf Glân | Dyfodol Symudedd Hedfan tanwydd amgen Crewyd y gweithgaredd gan Briff y prosiect Yn y prosiect hwn byddwch yn ymchwilio i'r defnydd cyfredol o ffynonellau tanwydd cynaliadwy ac amgen ar gyfer teithio awyr ac yn ymchwilio i'w potensial ar gyfer twf, a'r cyfyngiadau cyfredol. Dechreuwch trwy edrych ar faint o hediadau sydd bob dydd, bob blwyddyn a faint o'r rhain sy'n hediadau tanwydd cynaliadwy/amgen. Fe allech chi ddefnyddio gwefan radar hedfan i wneud hyn. Penderfynwch sut y byddwch chi'n mynd i’r afael â’r prosiect a'r adnoddau y gallech chi eu defnyddio ar gyfer eich ymchwil. Gallai'r rhain gynnwys cyfweliadau ag arbenigwyr yn y diwydiant, gwefannau cwmnïau a deddfwriaeth y llywodraeth. Dylech gymharu strategaethau o leiaf dau gwmni hedfan gwahanol yn eich ymchwil. Gofynnwch i'ch athro eich helpu chi i gysylltu ag arbenigwr yn y diwydiant hedfan neu ymchwilydd prifysgol sy'n arbenigo mewn technoleg hedfan. Paratowch rai cwestiynau iddyn nhw i ddarganfod mwy am y datblygiadau diweddaraf yn eu maes gwaith neu ymchwil. Ymchwiliwch i ffynonellau tanwydd hedfan cyfredol ac amgen sy'n cael eu hystyried ar hyn o bryd i bweru hedfan fasnachol hyd at 2050. Ystyriwch pam mae angen technolegau tanwydd hedfan amgen a sut mae'r rhain yn cysylltu â thargedau amgylcheddol y llywodraeth. Ymchwiliwch i o leiaf dri thanwydd amgen/cynaliadwy sy'n cael eu defnyddio neu eu datblygu ar hyn o bryd i'w defnyddio yn y dyfodol. Gan ddefnyddio'ch ymchwil, penderfynwch sut olwg fydd ar ddyfodol y diwydiant hedfan. Crewch boster A3 i gyflwyno canfyddiadau eich ymchwil. Pethau i feddwl amdanynt • Pam mae angen i ni gael diwydiant hedfan cynaliadwy? • Pam mae angen i ni ystyried tanwydd hedfan amgen? • Beth yw'r effeithiau negyddol hedfan ar amgylchedd? Beth mae'r diwydiant yn ei wneud i leihau'r effeithiau ar yr amgylchedd? • Pa rai yw'r ffynonellau tanwydd amgen/ffynonellau tanwydd cynaliadwy mwyaf diddorol sy'n cael eu datblygu? Adnoddau defnyddiol Gwefanau cwmniau hedfan • ICAO • IATA • CORSIA • Boeing • Airbus • flightradar24.com/60,15/6 • icao.int/environmentalprotection/GFAAF/Pages/de fault.aspx Iechyd a diogelwch Er mwyn osgoi unrhyw ddamweiniau, gwnewch yn siŵr eich bod yn cadw at y canllawiau iechyd a diogelwch canlynol cyn cychwyn: • darganfyddwch a yw unrhyw un o'r deunyddiau, offer neu ddulliau yn beryglus gan ddefnyddio science.cleapss.org.uk/Resou rces/Student-Safety-Sheets/ • asesiadau risg (meddyliwch am yr hyn a allai fynd o'i le a pha mor ddifrifol y gallai fod); • penderfynwch beth sydd angen i chi ei wneud i leihau unrhyw risgiau (megis gwisgo offer amddiffynnol personol, gwybod sut i ddelio ag argyfyngau ac ati); • gwnewch yn siŵr bod eich athro / athrawes yn cytuno â'ch cynllun a'ch asesiad risg. 14
Deallusrwydd Artiffisial a Data Sut gallai Deallusrwydd Artiffisial atal haint? Crewyd y gweithgaredd gan Briff y prosiect Yn y prosiect hwn byddwch yn dylunio ap sy'n monitro iechyd a ffordd o fyw i nodi, cyn gynted â phosibl, y tebygolrwydd y bydd unigolyn yn datblygu clefyd sy'n effeithio ar y system imiwnedd. Mae'r afiechydon hyn yn cynyddu'r tueddiad i haint gan facteria aml-ymwrthol. Dechreuwch trwy ymchwilio i feysydd afiechyd sy'n effeithio ar y system imiwnedd (e.e. diabetes a chanser) gan ddefnyddio'ch llyfr gwaith neu arlein. Dewiswch un o'r rhain i ganolbwyntio'ch prosiect arno. Gofynnwch i'ch athro/athrawes eich rhoi mewn cysylltiad â gweithiwr proffesiynol perthnasol sy'n gweithio ym maes fferyllol neu ofal iechyd. Darganfyddwch sut mae'r afiechyd yn effeithio ar y system imiwnedd a sut y gallai roi cleifion mewn perygl o gael eu heintio gan facteria amlymwrthol. Darganfyddwch pa gamau y gellir eu cymryd i leihau'r risg o ddatblygu'r afiechydon. Defnyddiwch eich ymchwil i ddylunio cysyniad ar gyfer eich ap. Nodwch pa ddata y byddai angen i chi ei olrhain i fonitro tueddiad i'r clefyd, e.e. cylchedd y wasg fel un dynodwr risg o ddiabetes Math 2. Ystyriwch pa rybuddion y gallai'r ap eu hanfon at y defnyddiwr i leihau'r risg o ddatblygu'r afiechyd. Cynhyrchwch ffrâm wifren ar gyfer eich ap yn dangos y sgriniau sy'n wynebu'r defnyddiwr a'i anodi i egluro sut y byddai'n gweithio. Pethau i feddwl amdanynt • Pwy fydd yn elwa o dueddiad llai i haint gan facteria aml-ymwrthol? • Beth yw'r risgiau a'r materion moesegol o ddefnyddio ap i nodi'r rhai sydd mewn perygl o ddatblygu clefyd? • Sut fydd eich ap yn wahanol i'r apiau hynny sy'n gysylltiedig ag iechyd sydd eisoes wedi'u datblygu? • Pwy fyddai'n defnyddio'ch ap ac a fyddai o fewn cyrraedd pawb? • Pa gamau y gall cymdeithas eu cymryd nawr, i leihau'r risg yn y dyfodol o ddatblygu afiechydon sy'n gwanhau'r system imiwnedd? Adnoddau defnyddiol • abpischools.org.uk/topic/antimicrobi al-resistance • abpischools.org.uk/ • abpi.org.uk/what-we-do/globalcampaigns/we-wont-rest/for-thechance/ • antibioticguardian.com/keepantibiotics-working/ • improvement.nhs.uk/resources/fighti ng-antimicrobial-resistance/ • euro.who.int/en/healthtopics/diseaseprevention/antimicrobialresistance/news/news/2018/11/of-allhuman-diseases,-60-originate-inanimals-one-health-is-the-only-wayto-keep-antibiotics-working • youtube.com/watch?time_continue= 6&v=zbV7Y_j3s9M • youtube.com/watch?time_continue=1 &v=SfT79NaQoIE • apps.beta.nhs.uk/?page=1 Iechyd a diogelwch Er mwyn osgoi unrhyw ddamweiniau, gwnewch yn siŵr eich bod yn cadw at y canllawiau iechyd a diogelwch canlynol cyn cychwyn: • darganfyddwch a yw unrhyw un o'r deunyddiau, offer neu ddulliau yn beryglus gan ddefnyddio science.cleapss.org.uk/Resources/Stu dent-Safety-Sheets/ • asesiadau risg (meddyliwch am yr hyn a allai fynd o'i le a pha mor ddifrifol y gallai fod); • cadw mewn cof sensitifrwydd posibl y pwnc hwn; rhoi sylw i unrhyw ymwadiad ar y gwefannau a awgrymir uchod; • penderfynwch beth sydd angen i chi ei wneud i leihau unrhyw risgiau (megis gwisgo offer amddiffynnol personol, gwybod sut i ddelio ag argyfyngau ac ati); • cymerwch ofal os ydych chi'n casglu unrhyw ddata personol yn eich arolwg; • gwnewch yn siŵr bod eich athro / athrawes yn cytuno â'ch cynllun a'ch asesiad risg. 15
