Cymdeithas sy’n
Cymdeithas sy’n Heneiddio | Deallusrwydd Artiffisial a Data | Twf Glân | Cymdeithas sy’n Heneiddio Syniadau prosiect ymchwil Briff y prosiect Yn y prosiect hwn byddwch yn dewis un o'r cwestiynau ymchwil isod ac yn ysgrifennu adroddiad cytbwys mewn ymateb: • Sut mae unigrwydd yn effeithio ar iechyd? • Os yw pobl yn byw ac yn gweithio'n hirach, sut fydd hynny'n effeithio ar ddyfodol swyddi a gyrfaoedd? • A fydd technoleg batri newydd yn datrys yr argyfwng ynni? • A all data a deallusrwydd artiffisial guro canser? Dylech ddechrau trwy ymchwilio i'r thema a gwneud nodyn o’r pwyntiau allweddol. Nesaf, penderfynwch sut y gallech chi fynd i’r afael â’r cwestiwn ymchwil a ble y gallech chi chwilio am dystiolaeth i gefnogi'ch theori. Sicrhewch fod rhestr o'r holl ffynonellau gwybodaeth ar gael ichi ar y pwnc. Gallai hyn gynnwys erthyglau newyddion, cyfnodolion proffesiynol, arolygon barn y cyhoedd, dogfennau polisi, astudiaethau achos a chyfweliadau â gweithwyr proffesiynol. Penderfynwch pa ffynonellau y byddwch chi'n dewis edrych arnyn nhw yn eich ymchwiliad a pham. Ystyriwch sut y byddwch chi'n cofnodi'ch canfyddiadau mewn ffordd resymegol. Os penderfynwch ddefnyddio astudiaethau achos yn eich ymchwil, bydd angen i chi benderfynu sut y byddwch yn eu dewis. Os ydych chi'n edrych ar erthyglau efallai y byddwch chi'n penderfynu a ydyn nhw'n gadarnhaol neu'n negyddol yn gyntaf cyn dadansoddi'r dystiolaeth. Os oes gennych fynediad i bolau piniwn cyhoeddus, ceisiwch edrych ar y data crai. Gallech ymchwilio i farn pobl o gymharu â'u cefndir neu ddemograffeg. Gallech gynnal eich arolwg eich hun i ddarganfod beth yw barn pobl o wahanol oedrannau a chefndiroedd. Dylech gynllunio a chynnal eich cyfweliad eich hun gyda gweithiwr proffesiynol arbenigol. Gallai hyn fod yn weithiwr proffesiynol sy'n gweithio mewn swydd gysylltiedig neu'n ymchwilydd mewn prifysgol. Pethau i feddwl amdanynt • Pwy fydd yn elwa fwyaf o dechnoleg newydd, a fydd unrhyw un ar ei golled? • A oes unrhyw ystyriaethau moesegol? • Pa dystiolaeth a ddefnyddir i ategu'r syniadau yn yr erthyglau rydych chi wedi'u darllen? • Pa broblemau wnaethoch chi eu hwynebu? • Pe bai gennych chi fwy o amser, sut allech chi ymestyn y prosiect ymhellach? • Beth yw goblygiadau eich canfyddiadau i'r byd go iawn? Adnoddau defnyddiol Gofynnwch i'ch athro / athrawes eich helpu i ddod o hyd i fentor arbenigol: • stem.org.uk/stem-ambassadors Erthyglau: • wired.co.uk • newscientist.com • askforevidence.org/help/eviden ce Arolygon barn cyhoeddus: • ipsosmori.com • yougov.co.uk Iechyd a diogelwch Er mwyn osgoi unrhyw ddamweiniau, gwnewch yn siŵr eich bod yn cadw at y canllawiau iechyd a diogelwch canlynol cyn cychwyn: • darganfyddwch a yw unrhyw un o'r deunyddiau, offer neu ddulliau yn beryglus gan ddefnyddio science.cleapss.org.uk/Resource s/Student-Safety-Sheets/ • asesiadau risg (meddyliwch am yr hyn a allai fynd o'i le a pha mor ddifrifol y gallai fod); • os ydych chi'n casglu'ch data eich hun o arolygon neu gyfweliadau, gwnewch yn siŵr eich bod chi'n cael caniatâd i'w ddefnyddio yn eich adroddiad prosiect; • penderfynwch beth sydd angen i chi ei wneud i leihau unrhyw risgiau (megis gwisgo offer amddiffynnol personol, gwybod sut i ddelio ag argyfyngau ac ati); • gwnewch yn siŵr bod eich athro / athrawes yn cytuno â'ch cynllun a'ch asesiad risg. 18
Managed by www.crestawards.org email: crest@britishscienceassociation.org The British Science Association is the operating name and trade mark of the British Association for the Advancement of Science Registered charity: 212479 and SC039236 19
