Twf Glan Pŵer Gwynt
Twf Glan Pŵer Gwynt Crewyd y gweithgaredd gan Briff y prosiect Yn y prosiect hwn byddwch yn ymchwilio i bŵer gwynt fel ffynhonnell ynni gynaliadwy ac yn cynllunio tyrbin gwynt syml sy'n gallu codi cwpan oddi ar y llawr hyd at uchder y fainc. Nid oes gan dros draean o boblogaeth y byd fynediad i drydan. Oherwydd ei bod yn hanfodol i godi pobl allan o dlodi, nododd y Cenhedloedd Unedig ynni fforddiadwy ac adnewyddadwy fel un o'r Nodau Byd-eang i ddatrys tlodi erbyn 2030. Rhestrwch yr holl bethau rydych chi'n defnyddio trydan ar eu cyfer mewn diwrnod arferol. Meddyliwch am yr holl wahanol ffyrdd y mae trydan yn cael ei gynhyrchu, gan gynnwys ynni adnewyddadwy. Gwnewch ychydig o ymchwil i ddarganfod mwy am fanteision ac anfanteision gwahanol ffynonellau. Defnyddiwch eich sgiliau STEM i ddylunio peiriant syml sy'n defnyddio gwynt (o sychwr gwallt wedi'i osod i ‘oer’) fel y pŵer i droi llafnau a chodi cwpan oddi ar y llawr. Meddyliwch am ddyluniad y llafnau, sut i atodi'r llafnau i siafft a sut i gysylltu'ch peiriant â'r ddesg. Profwch eich peiriant yna ceisiwch addasu maint, rhif, trwch siâp ac ongl y llafnau a'i brofi eto. Ar ôl pob prawf, cofnodwch yr hyn sy'n gweithio a beth ellid ei wella. Meddyliwch sut i wneud profi gwahanol ddyluniadau yn brawf teg, e.e. sicrhau bod y sychwr gwallt bellter sefydlog i ffwrdd o'r llafnau. Sut allech chi wneud eich dyluniad yn fwy cynaliadwy, er enghraifft, trwy newid y deunyddiau y gwnaethoch chi eu defnyddio neu faint o ddeunydd? Pethau i feddwl amdanynt • Beth sy'n digwydd pan fyddwch chi'n cynyddu maint, siâp, trwch, ongl neu nifer y llafnau? • Â allech chi ddibynnu'n llwyr ar bŵer gwynt i gynhyrchu trydan i'ch cartref? Os na, pam? • Pa ddefnyddiau allech chi eu defnyddio ar gyfer fersiwn maint llawn? • Ble fyddai'r lle gorau ar gyfer tyrbin gwynt yn eich ysgol neu'ch ardal leol? • Sut ydych chi'n meddwl y byddai mynediad at ynni yn newid bywydau pobl sy'n byw ym mynyddoedd Nepal? 12 Adnoddau defnyddiol • practicalaction.org/energy-and-theglobal-goals • practicalaction.org/energy • practicalaction.org/global-projectideas • globalgoals.org/7-affordable-andclean-energy • youtu.be/usISdE-WSWU Deunyddiau • Cerdyn sgrap • Tâp selo • Tâp masgio • Blu Tac • Pinnau wedi'u hollti • Pensiliau • Siswrn • Llinyn • Cwpan papur/plastig • Pwysau (pwysau gram neu geiniogau) Iechyd a diogelwch Er mwyn osgoi unrhyw ddamweiniau, gwnewch yn siŵr eich bod yn cadw at y canllawiau iechyd a diogelwch canlynol cyn cychwyn: darganfyddwch â yw unrhyw un o'r deunyddiau, offer neu ddulliau yn beryglus gan ddefnyddio science.cleapss.org.uk/Resources/Student -Safety-Sheets/ • asesiadau risg (meddyliwch am yr hyn â allai fynd o'i le a pha mor ddifrifol y gallai fod); • Sicrhewch fod y sychwr gwallt yn oer • Penderfynwch beth sydd angen i chi ei wneud i leihau unrhyw risgiau (megis gwisgo offer amddiffynnol personol, gwybod sut i ddelio ag argyfyngau ac ati); • Gwnewch yn siŵr bod digon o le i weithio; • Cliriwch beryglon slip neu faglu yn brydlon; • Gwnewch yn siŵr bod eich athro / athrawes yn cytuno â'ch cynllun a'ch asesiad risg.
Deallusrwydd Artiffisial a Data Ymladd tanau gyda Rhyngrwyd y Pethau Crewyd y gweithgaredd gan Briff y prosiect Yn y prosiect hwn byddwch yn archwilio anghenion diffoddwr tân modern, eu hamgylchedd gwaith a'r offer y maent yn ei ddefnyddio. Gan ddefnyddio'r ymchwil hon, byddwch yn cynhyrchu dyluniad ar gyfer cynnyrch newydd sy'n defnyddio casglu data i wella effeithlonrwydd a/neu ddiogelwch diffoddwyr tân a'r rhai y maent yn helpu i'w amddiffyn. Rhwydwaith o ddyfeisiau cysylltiedig fel camerâu, cerbydau a synwyryddion yw Rhyngrwyd y Pethau sy'n rhyngweithio, cyfnewid data ac awtomeiddio tasgau. Gall diffoddwyr tân ddefnyddio'r cyfnewid data hwn ac awtomeiddio tasgau i'w helpu i wneud eu gwaith yn fwy diogel ac yn fwy effeithlon. Gwnewch ychydig o ymchwil i ddarganfod mwy am Rhyngrwyd y Pethau, beth ydyw a sut mae'n cael ei ddefnyddio. Darganfyddwch am y mathau o dasgau y mae diffoddwyr tân yn eu gwneud. Pan nad ydyn nhw'n gweithio i ddiffodd tân, pa dasgau eraill maen nhw'n eu gwneud fel rhan o'u swydd? Unwaith y bydd gennych syniad clir o'r tasgau y mae diffoddwyr tân yn eu cyflawni, cofnodwch yr amgylcheddau y maent yn gweithio ynddynt, y mathau o offer y maent yn eu defnyddio ar hyn o bryd i gyflawni'r tasgau hyn a'r heriau neu'r problemau sy'n eu hwynebu. Gan ddefnyddio eich ymchwil, meddyliwch lle gallai Rhyngrwyd y Pethau neu ddyfeisiau cysylltiedig wneud swyddi diffoddwyr tân yn fwy diogel ac effeithlon (arbed amser, deunyddiau, arian). Efallai y byddwch chi'n dewis gwella darn o offer sy'n bodoli eisoes neu ddyfeisio un hollol newydd. Cofnodwch eich holl syniadau a phenderfynwch pa un yr hoffech chi barhau i'w ddatblygu. Fe allech chi ddefnyddio deunyddiau fel cardfwrdd, papur, tecstilau a thâp gludiog i greu model o'r syniad terfynol. Os oes gennych gefnogaeth gan athro neu fentor, fe allech chi geisio creu prototeip o sut y bydd rhan casglu data eich syniad yn gweithio gan ddefnyddio micro-bit neu reolydd rhaglenadwy arall. Pethau i feddwl amdanynt • Pan nad ydyn nhw'n gweithio i gynnau tân, pa dasgau eraill mae diffoddwyr tân yn eu gwneud fel rhan o'u swydd? • Ar gyfer pa dasgau fyddai peiriant yn well na bod dynol? • Yn eich barn chi, sut beth fydd rôl diffoddwr tân yn y dyfodol? • Â allech chi gysylltu â diffoddwr tân i weld beth yw ei farn am eich syniad? Adnoddau defnyddiol • stemlearning.wistia.com/med ias/i58xdbw1ma • Bwrdd rhaglenadwy (i.e.micro: bit, crumble ac ati) • Cysylltu a diffoddwr tân proffesiynol neu ymweliad i orsaf dân leol Iechyd a diogelwch Er mwyn osgoi unrhyw ddamweiniau, gwnewch yn siŵr eich bod yn cadw at y canllawiau iechyd a diogelwch canlynol cyn cychwyn: • darganfyddwch â yw unrhyw un o'r deunyddiau, offer neu ddulliau yn beryglus gan ddefnyddio science.cleapss.org.uk/Resou rces/Student-Safety-Sheets/ • asesiadau risg (meddyliwch am yr hyn â allai fynd o'i le a pha mor ddifrifol y gallai fod); • Penderfynwch beth sydd angen i chi ei wneud i leihau unrhyw risgiau (megis gwisgo offer amddiffynnol personol, gwybod sut i ddelio ag argyfyngau ac ati); • Gwnewch yn siŵr bod digon o le i weithio; • Cliriwch beryglon slip neu faglu yn brydlon; • Gwnewch yn siŵr bod eich athro / athrawes yn cytuno â'ch cynllun a'ch asesiad risg. 13
